Désiré Doué shpallet lojtari më i mirë i Superkupës së UEFA-s 2026

Désiré Doué u shpall Lojtari i Ndeshjes, çmim i prezantuar nga PlayStation®, pas triumfit 2-1 të Paris Saint-Germain ndaj Aston Villës në finalen e Superkupës së UEFA-s, të zhvilluar në Salzburg.

Talenti francez ishte protagonisti kryesor i fitores së kampionëve të Europës, duke kontribuar drejtpërdrejt në të dy golat e skuadrës së tij.

Në mesin e pjesës së parë, Doué asistoi Khvicha Kvaratskhelian për golin e avantazhit. Pas barazimit të Aston Villës, ai mori përsipër të vendoste fatin e finales.

Pak pas kalimit të një ore lojë, Doué realizoi golin e fitores me një goditje të bukur, duke vulosur rezultatin 2-1 dhe duke i siguruar Parisit Superkupën e dytë radhazi.

Grupi i Vëzhguesve Teknikë të UEFA-s e argumentoi kështu vendimin:

“Shënoi dhe asistoi. Dha pasime vendimtare dhe ofroi një kontribut të përgjithshëm pozitiv në fazën sulmuese, i cili përcaktoi ndeshjen për Parisin.”

Me një gol, një asist dhe një paraqitje vendimtare, Désiré Doué konfirmoi edhe një herë statusin e tij si një nga talentet më të mëdha të futbollit europian.

Fituesit e mëparshëm të çmimit 2026: Désiré Doué – Paris Saint-Germain 2025: Ousmane Dembélé – Paris Saint-Germain 2024: Jude Bellingham – Real Madrid 2023: Cole Palmer – Manchester City 2022: Casemiro – Real Madrid 2021: Gerard Moreno – Villarreal 2020: Thomas Müller – Bayern München 2019: Sadio Mané – Liverpool 2018: Diego Costa – Atlético Madrid