Erion Braçe shpërthen ndaj presidentit të Dinamos: “Kjo është të lësh nam nga Shqipëria në Argjentinë”

Deputeti i Partisë Socialiste, Erion Braçe, ka reaguar ashpër pas videos së bërë virale nga dhomat e zhveshjes së FC Dinamo City, ku presidenti i klubit, Ardian Bardhi, shfaqet duke shpërndarë para për futbollistët.

Pamjet u regjistruan pas fitores së Dinamos me rezultatin 4-0 ndaj Auda-s, sukses që i siguroi skuadrës shqiptare kualifikimin në fazën “play-off” të UEFA Conference League.

Në video, Bardhi hyn në dhomat e zhveshjes me një qese të zezë në dorë dhe më pas hedh tufa me para në drejtim të lojtarëve, në formën e shpërblimit për kualifikimin.

Pamjet u shpërndanë me shpejtësi në rrjetet sociale dhe u publikuan edhe nga media ndërkombëtare, përfshirë gazetën sportive argjentinase “Olé”.

Braçe e konsideroi mënyrën e shpërndarjes së parave si të papranueshme dhe të dëmshme për imazhin e futbollit shqiptar. Sipas tij, financimi dhe sponsorizimi i sportit duhet të realizohen vetëm nëpërmjet rrugëve ligjore, bilanceve transparente dhe dokumentimit të rregullt financiar.

Deputeti socialist theksoi gjithashtu se pamje të tilla e bëjnë edhe më të vështirë miratimin e një ligji për sponsorizimin e sportit. Ai i drejtoi një pyetje të drejtpërdrejtë edhe Federatës Shqiptare të Futbollit, duke kërkuar të dijë nëse zbatohen rregullat e UEFA Financial Fair Play.

Reagimi i plotë i Erion Braçes:

SHIHENI VIDEON; KJO ESHTE TE LESH NAM NGA SHQIPERIA NE ARGJENTINE E KTHIM-ME PARA NE QESE TE ZEZA NE DORE!

DIARIO.OLE ESHTE MEDIA NE ARGJENTINE DHE PO XHIRON NE GJITHE BOTEN KETO PAMJE SHQIPTARE!

Degjoni; Une kam qe per shume gjate kunder nje ligji per SPONSORIZIMIN, me fokus sportin e posacerisht futbollin. Nisur nga realiteti i parave ne qese te zeza qe qarkullojne ne sport, ppsacerisht futboll.

Keto pamje me provojne qe kam patur te drejte, por edhe qe ministrat e financave qe kane kundershtuar kishin te drejte.

Per shkak se jam tifoz futbolli-e dine te gjithe kete, duke pare nga afer veshtiresit financiare te klubeve te futbollit tr cilat shkojne drejt rrenimit, jo drejt zhvillimit, duke pare qe sukseset e ekipit kombetar nuk po e ndihmojne futbollin ne cdo nivel, VJET NE NENTOR PROPPZOVA NJE LIGJ PER SPONSORIZIMIN E SPORTIT!

Ndrshova qendrim, poooooo! Ministri i Financave jo!

Pas ketyre pamjeve, realisht nuk di ai ti mbush mendjen ministrit te Financave per ta pranuar ate ligj; Thelbi i tij eshte qe nje pjese nga fitimet e cdo kompanie ti shkojne sportit, POR NE RRUGE TE LIGJSHME E NE BILANCE TRANSPARENTE E TE PASTRA TE SPORTIT;

JO NE QESE TE ZEZA E DUKE JA HEDHUR SURRATIT LOJTATEVE, MU SI ATA TE DEHURIT NEPER DASMA APO AMBJENTE TALLAVAJE!

NUK NDODH KERKUND TJETER KJO!

Sinqerisht, une nuk e di cben ne jeten tjeter presidenti i DINAMOS, pra pertej futbollit, nuk me intereson fare; por shpresoj te mos merret me ekonomi, ndryshe do te vendose ne veshtiresi te madhe organet ligjzbatuese ne fushen fiskale.

Ne fund, kam nje pyetje per FSHFne;

FUNKSIONON TEK JU SI INSTITUCION QE ORGANIZON GARAT NE FUTBOLL, UEFA FINANCIAL FIRE PLAY?!

Ky me qese te zeza nuk eshte i tille, as per garat kombetare e as per garat nderkombetare, sic kjo e UEFAs ne video!

Debati i ngritur nga Braçe nuk lidhet me shpërblimin sportiv në vetvete, por me mënyrën e shpërndarjes së tij dhe nevojën që çdo pagesë në futboll të jetë e deklaruar, e dokumentuar dhe transparente. Deri tani, kritikat e deputetit përfaqësojnë qëndrimin e tij publik; në materialin e paraqitur nuk përfshihet një reagim i presidentit Ardian Bardhi apo i FC Dinamo City.