VITINHA SHPËRBLEHET SI LOJTARI I NDESHJES NË FINALEN E CHAMPIONS LEAGUE 2026

Budapest, Hungari – Mesfushori i Paris Saint-Germain, Vitinha, është shpallur zyrtarisht Lojtari i Ndeshjes në finalen e UEFA Champions League 2026, pas një paraqitjeje të jashtëzakonshme që ndihmoi skuadrën franceze të mbrojë titullin evropian.

Grupi i Vëzhguesve Teknikë të UEFA-s vlerësoi performancën e portugezit, duke theksuar ndikimin e tij vendimtar në mesfushë, veçanërisht gjatë pjesës së dytë të takimit.

"Vitinha ishte lojtari më i mirë i Parisit në këtë finale. Ai mori kontrollin e mesfushës, udhëhoqi skuadrën përpara dhe vendosi ritmin e lojës. Ishte një paraqitje e shkëlqyer," thuhej në vlerësimin e UEFA-s.

Pas ndeshjes, Vitinha nuk e fshehu emocionin për suksesin historik të PSG-së.

"Ky ishte ndoshta ndeshja më e rëndësishme e sezonit dhe të gjithë ishim gati. Ta mbyllësh sezonin në këtë mënyrë, me dy tituj radhazi, është ëndrra më e madhe. Jemi krenarë, Parisi është krenar dhe sot mund të themi se jemi skuadra më e mirë në Evropë," deklaroi mesfushori portugez.

Me një tjetër performancë brilante në skenën më të madhe të futbollit evropian, Vitinha konfirmoi statusin e tij si një nga mesfushorët më të mirë në botë dhe një nga figurat kyçe të dominimit të PSG-së në Champions League.